Landelike Robertson-skole Kry Groot Skenking

HORTGRO se markontwikkelingsprogram in die Verenigde Koninkryk het hierdie jaar weer die Help a South African School-kompetisie koördineer. HORTGRO in samewerking met LCL Logistics en Ambre Transport het op 15 Februarie die 22 ton boeke wat ingesamel is, wat uit 70% hoërskool boeke en 30% laerskool boeke bestaan, aan landelike skole in die Robertson-omgewing versprei.

Die 22 ton boeke wat in Februarie by die Smuts Broers se plaas Lucerne in Roberston afgelewer is. Uit dié pakstoor is die boeke deur HORTGRO-personeel georganiseer en verpak om by die verskeie skole af te lewer

Die Wakkerstroom-Wes Primêre Skool se graad eentjies was omtrent opgewonde oor hul nuwe boeke. Hier saam met die leerders is Niel Tredoux (links) en Tineke Mong (middel) van LCL Logistics en Thea Visser van HORTGRO.

Dié twee leerders van die Goudmyn Primêre Skool kon nie wag om hul neuse in hul nuwe boeke te kry nie.

Die leerders van Retreat NGK Primêre Skool, hier saam met Suzette Poole van HORTGRO, is opgewonde oor hul nuwe boeke en kan nie wag om dit oop te slaan nie.

Die rugbyspan van die Le Chasseur VGK Primêre Skool is hier fluks besig om hul nuwe boeke, met die hulp van Tineke Mong van LCL Logistics, by hul skool in te dra.

Leerders van die Le Chasseur VGK Primêre Skool net buite Robertson wys hul nuwe leesstof. Hier met die leerders is (van links) Suzette Poole van HORTGRO en, Niel Tredoux en Tineke Mong van LCL Logistics.

DOWNLOAD PDF